Ekki þyngdarleysi

Manni blöskrar stundum hvað fyrirsagnirnar eru óvandaðar hérna á mbl.is. Þetta er ekki þyngdarleysi, heldur er líkt eftir því, rétt eins og kemur fram í fréttinni.

 Hér er sagt frá því hvernig hermunin virkar.

Brúðkaup í þyngdarleysi

Athugasemdir

[Trausti (IP-tala skráð) 3.6.2009 kl. 16:13]

Það er hermt eftir þyngarleysi í þeim skilningi að viðkomandi upplifa 100% þyngdarleysi, svo ég hygg það sé ekkert rangt við þessa fyrirsögn.

Ekki það að "vísinda"fréttirnar á mbl séu almennt mjög góðar.

[Halldór (IP-tala skráð) 3.6.2009 kl. 18:38]

Frekar mundi ég setja út á þessa línu:

"Í vélinni skapast svipaðar aðstæður og er að finna á Mars eða á tunglinu, þ.e. hvað varðar þyngdarleysi," sem er augljóslega langt frá lagi hvað varðar Mars í það minnsta..

[Tryggvi (IP-tala skráð) 3.6.2009 kl. 20:18]

Rétt að bæta við að þar sem alþjóða geimstöðin er staðsett er styrkur þyngdarsviðs frá jörðu u.þ.b 80% af styrk þess við yfirborð jarðar. Þar upplifa menn þó þyngdarleysi vegna þess að geimstöðin er stöðugt í frjálsu falli. Ekki ósvipað og fleygbogaflugin framkalla þó þau hafi vissulega mjög miklar tímatakmarkanir. 

[Eiríkur (IP-tala skráð) 3.6.2009 kl. 23:08]

Alþjóðlega geimstöðin er á stöðugri hringhreyfingu. Því fer allur þyngdarkrafturinn í að sífellt breyta stefnu geimstöðvarinnar(viðhalda hringreyfingunni). Geimstöðin er því ekki í frjálsu falli (það gæti varla endst til lengdar). Á "hversdagslegu máli" mætti segja að miðflóttakrafturinn* vegi nákvæmlega á móti þyngdarkraftinum. *(það er ekki til neinn miðflóttakraftur samt, bara einföldun á fyrirbærinu)